Evento “Battle of the Islands, Monster Truck edition” na Curaçao International Raceway “Pista” 30 di novèmber i 1 di desèmber 2024

SBR, ta organisá dos (2) dia di un show nunka bisto.
Primeramente SBR ta gradisí sponsornan di e evento aki, ku ta: Crown
Automotives ku nan produkto “FORD”, Zair, Essex, SU Prime Services, URALCO
Leasing, Curaçao Tourism Board (CTB), R&J Towing, Panda, Piro Alternators and
Starters, Total Equipment and Transport, Don Andres y SMC Mamba Connection.
SBR ta gradisi tur sponsor ku ta sostene e evento di un forma formidable.

Ta un honor pa invitá pueblo di Kòrsou na un evento único ku lo tuma lugá aki
dos (2) siman na Curaçao International Raceway, pista di Ronde Klip. SBR ta
prepará pa dos dia di puru adrenalina, entretenémentu i espektákulo ku no tin
komparashon: **The Battle of the Islands Monster Truck Esition 2024*!

E show lo konsistí di bbataya entre e V8 outonan, King of the Ring Bike, King of
the Road Bike, Wet Floor edition i e ta spera Monster Truck nan.

Despues di hopi aña Kòrsou lo eksperensia un aktividad di e magnitut aki,
kaminda ku nos lo trese dos (2) Monster truck for di Merka pa deleita e públiko
ku stuntnan nunka bisto. I komo chèri riba e bolo, un di e ‘driver’ nan, ta un
‘driver’ femenino, ku na Merka ya kaba ta super konosí pa maniobranan ku e por
hasi na un edat relativamente hóben.

Informashon di e evento: – E shou lo ta riba dos (2) día, djasabra 30 di novèmber i djadumingu 1 di
desèmber próksimo – Lugá: Curaçao International Raceway – Orario: 5or atardi pa 12or anochi – Porta ta habri: 3:30or atardi – Show ta kuminsá: 5or

Informashon di e lokalidat
Mc Monti a informá kon lo transformá e pista i ku lo usa e parti final di pista pa e
evento. Drechamentu di tereno ta tumando luga kaba. Públiko lo sinta riba
tribune.
Ya kaba ta poniendo outonan bieu riba e tereno pa e monster truck nan por duna
nan show. E tereno lo wòrdu será, pa koordiná e entrada i ku seguridad di e
públiko presente ta prioridad number 1 pa SBR!
Pre-evento na Waaigat
E aña aki nos di e organisashon lo bai un ‘extra mile’ pa e pueblo di Kòrsou.
SBR ta organisá un ‘pre-event’, kaminda pueblo di Kòrsou por bini
personalmente i mira e dos (2) monster truck nan di aserká, ‘meet and greet’ ku e
driversnan, saka potrèt i admirá tambe diferente vehíkulo ku lo bai tei presente
dianan 30 di novèmber i 1 di desèmber 2024.
Riba e dia akí lo no bai tin fever, solamente SBR lo showcase e monster trucknan,
bròmer i outonan ku lo tei presente dia 30 di novèmber i 1 di desèmber.
E dia aki lo ta un ‘dia pa famia’, pues bini unu bini tur. E ‘dia pa famia’ ta
totalmente grátis, kortesia di e organisashon SBR.
Lo tin kos di kome, pasaboka i bebe ku por kumpra i animashon di DJ Black.
Na Waaigat lo tin un sekshon pa hendenan den ròlstul.
Fecha: Djaweps 28 di novèmber 2024
Orario: 6 or di atardi pa 11 or di anochi.
Luga: Waaigat
Benta di entrada – General: fl. 35,– pa día, benta adelanta. Na Porta lo ta fl. 45,–.
Pakete di 2 dia ta kosta fl. 60,–.
Fl. 15 ,– pa mucha benta adelanta i na porta fl. 20,–. – VIP Experience: fl. 550,– pa dia, pa kuater (4) hende na mesa (inkluí ‘seating’
preferensial i ta inklui un (1) bòter di bebida alkoholiko di eskoho. – VIP Single: fl. 100,–. – VIP Table i Single por kumpra solamente via whatsapp 690-0309 – Por kumpra karchi di entrada na: Beep Beep Mari Pampoen i Brievengat, 24
uur uit de muur Santa Maria, 7World Zeelandia i Piro Altinator and Starters.
KORDA: IN IS IN and OUT IS OUT.
E evento aki lo tin: – Dos Monster Trucks di talla mundial: Lo tin akrobasia, saltonan, i espektákulo di
destrukshon ku solamente e monsternan di kuater (4) tayer aki por ofrese. – Shows di Stunt Riders: Profeshonal nan di motorcycle i outo lo trese akrobasia
riba un otro nivel. -*Meet & Greet ku riders*: Tene bo kamera kla pa saka pòtret ku kampionnan di
Monster Truck i e mashinnan gigantesko
Invitashon na pueblo di Kòrsou
SBR ta stimulá públiko di Kòrsou pa bin disfrutá un wikènt di puru dibertishon
pa hende di tur edat. Nos ta sigur ku e evento aki lo kreá momentunan
inolvidabel i lo trese bida riba nos isla.
Plaser, energia i un show espektakular ta garantisá!
SBR ta animá i invitá pueblo di Kòrsou pa asistí díanan 28 di novèmber,
30 di novèmber i 1 di desèmber, pròksimo!