KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa violashon di lei di arma di kandela i menasa

 

KUERPO POLISIAL KÒRSOU

KOMUNIKADO DI PRENSA

24 novèmber 2024

Detenshon pa violashon di lei di arma di kandela i menasa

499/2024

Relashoná ku un kaso di tiramentu i menasa ku a tuma lugá algun dia pasa na un adrès den
Willem Hoyerstraat, djadumingu 24 di novèmber 2024 alrededor di 00.08’or, Sentral di Polis
a mèldu na unidatnan riba kaya, ku e vehíkulo den kua e sospechosonan di e tiramentu a
yega na e kas i hui despues di nan akto, a keda señalá riba Schout bij Nacht Doormanweg.
Tabata kuater vehíkulo sospechoso ku tabata koriendo tras di otro.
Na e krusada di Sta. Rosaweg ku Pasenshiweg, un unidat a logra di para e vehíkulonan aki
pa un kontròl.
Den un di e vehíkulonan aki a bin topa un arma di kandela ku a keda konfiská, mientras ku a
detené 5 persona, di kua kuater hende hòmber i un hende muhé pa e violashonnan di lei
ariba menshoná i e lei di identifikashon.
Ta trata di e dama T.E.T.K. di 22 aña di edat i e hòmbernan J.J.F.C di 20 aña di edat,
D.G.A.P. di 17 aña di edat, S.M. di 17 aña di edat i O.M. di 22 aña di edat., tur nasé na
Kòrsou.
Ademas a konfiská tres di e vehíkulonan pa mas investigashon.
Kontinuando ku investigashon den e kaso aki, e tim di reshèrshi enkargá ku e kaso a tene
kuater entrada hudisial na Ser’i Papaya i unu na Schelpwijk.
Na un di e adrèsnan na Ser’i Papaya a bin enkontrá un gran kantidat di munishon ku a keda
konfiská.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.

639114718427035"
639114718427035"