Interkambio laboral di empleadonan di Servisio
Públiko na Ulanda

Willemstad – Resientemente, 6 empleado di Servisio Públiko( Kranshi i Ofisina di reibeweis)
i empleadonan di Lokèt di Pèrmit a biaha pa Hulanda pa asina asistí na un programa di
interkambio basá riba algun konsiderashon stratégiko. Esaki ta kontribuí na e efektividat di e
transishon pa yega na un lokèt di komunidat i asina sigui mehorá e kolaborashon entre
ministerio di BPD i e munisipio hulandes.
Meta di e plan di proyekto tabata pa gana konosementu i eksperensia den desaroyo di un
lokèt pa Kòrsou. E munisipio Hulandes ta konosí pa nan servisio públiko, efisiente i ta
orientá riba kada kliente.
E hefe di lokèt di pèrmit lo funshoná komo koordinadó i lider di e programa, kontroladó
komunikashon i organisashon entre esnan envolví. Ku eksperensia di Asuntu Públiko i lokèt
di pèrmit, e lider tin e kapasidat pa evaluá e proseso aktualmente vigente i identifiká
mehoramentu nesesario pa e transishon. Ademas, e hefe di Servisio Públiko komo lider lo tin
un bista stratégiko riba e futuro forma di e lokèt i lo por implementá idea inovativo i
práktiko.Entrenamentunan lo keda organisá pa yudá tantu e personal operashonal komo
esnan den maneho pa desaroyá nan abilidatnan. Esaki ta inkluí spesialisashon den e área di
servisio eksterno i interno. E idea prinsipal ta pa e personal no solamente por kompartí
konosementu, sino tambe elevá nan nivel di abilidatnan.
Di otro un banda empleadonan di Hulanda lo bishitá Kòrsou pa transferí nan eksperensia.
Nan lo duna apoyo na desaroyo di konosementu lokal i integrashon di abilidatnan den un
interkambio. Tambe lo bai tin opservashon di trabou diariamente , analís di kasonan
spesífiko i opservashon di interakshon ku kliente.Fasilitá kontakto entre empleadonan di
Kòrsou i Hulanda, Organisashon di proyektonan di kolaborashon kontinuo.Na final, e
interkambio lo kontribuí na profeshonalisashon di e sektor públiko na Kòrsou i e transishon
eksitoso na lokèt di Komunidat.