KUERPO POLISIAL KÒRSOU

KOMUNIKADO DI PRENSA
26 novèmber 2024

Kuater detenshon pa violashon di lei di Opio

500/2024

Djaluna 25 di novèmber 2024 alrededor di 05.00’or, personal di Divishon di Krímen
Organisá a tene un entrada hudisial na varios kas den Djadostraat i Seru Machu.
E entradanan hudisial aki ta den kuadro di un investigashon andando relashoná ku un kaso
di violashon di lei di opio.
Durante di e investigashon a haña i konfiská un kantidat di mariwana, planchi di mariwana,
plaka kèsh, telefòn selular, kuater vehíkulo i un “seadoo”.
Relashoná ku esaki a detené e hòmbernan:
 R.F.G di 51 aña di edat,
 I.G.F.G di 59 aña di edat,
 I.J.P.E. di 42 aña di edat,
 N.L.C.F. di 25 aña di edat,
i un dama A.A.M.B. 33, aña di edat, tur nasé na Kòrsou.
A presentá e sospechosonan dilanti di un fiskal ouksiliar ku a ordená enkarselamentu di 4 di
nan pendiente di mas investigashon mientras ku despues di interogashon a laga I.G.F.G.
den libertat.