---

 

 

 

KUERPO POLISIAL KÒRSOU

KOMUNIKADO DI PRENSA
30 novèmber 2024

Kuater detenshon pa violashon di lei di arma di kandela

512/2024
Djasabra 30 di novèmber 2024 alrededor di 03.30’or, un unidat di U.S.T. ku tabata
patruyando riba Schottegatweg Noord, a bai kontrolá na un sentro nokturno den e área.
Durante di e kontròl tuma nota di un vehíkulo ku kuater hòmber aden, ku a kuminsá aktua
bastante sospechoso.
Na momentu ku nan a tuma nota di presensia di polis, nan a tira algu for di e vehíkulo.
Mesora e unidat a para e outo aki den kua e hòmbernan tabata.
Durante di kontròl riba e okupantenan i den e área, polis a topa ku dos arma di kandela
kargá ku balanan skèrpi ku e sopeschosonan mester a benta afo den un mondi den
serkania.
Mesora a detené e kuarteto i a entregá nan na personal di reshèrshi ku ta kontinuá ku e
investigashon.
Ta trata di S.N.D. di 22 aña di edat, J.J.K. di 19 aña di edat, J.A.O.D.M. di 21 aña di edat,
E.R.O. di 20 aña di edat, tur kuater nasé na Kòrsou.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.
Investigashon den e kaso ta kontinuá.

---