Aksidente di tráfiko ku morto


KUERPO POLISIAL KÒRSOU
KOMUNIKADO DI PRENSA
2 desèmber 2024
Aksidente di tráfiko ku morto
514/2024
Djaluna 2 di desèmber 2024 alrededor di 12.13’or, Sentral di Polis a risibí informashon di un
aksidente di tráfiko ku herído serio ku a tuma lugá riba Kaminda Andruw Jones.
Mesora a dirigí unidatnan polisial i ambulans na e sitio.
Na yegada di e promé unidat, el a tuma nota di un aksidente entre tres outo di famia.
Investigashon preliminar a duna komo resultado ku tabatin un aksidente entre dos
vehíkulo.
Seguidamente un di e vehíkulonan akí probablemente a pèrdè kontròl i bai dal kontra di un
otro vehíkulo ku tabata para kantu di kaya i un dama ku a kaba di baha for di e vehíkulo i ku
tabata kla pa bai krusa kaya.
A konsekuensia di e dalmentu aki e dama ku tabata na pia a sufri leshonnan serio.
Na yegada di ambulans a konstatá ku e víktima aki no tabata duna señal di bida.
Alrededor di 14.04’or dòkter di polis a konstatá morto di Shaneedy Albertha Daal-Costa de
Jesus nasé na Kòrsou dia 5 di mei 1993.
Riba òrdu di fiskal di Ministerio Públiko a konfiská e kurpa pa mas investigashon.
Despues di e aksidente okupante di un di e vehíkulonan a hui bai ku su famia for di e sitio
den un otro vehíkulo.
Personal di Departamento di Tráfiko ta investigando kousa di e aksidente.
Polis ta supliká tur persona ku por duna kualke informashon tokante di aksidente aki pa
tuma kontakto ku polis na number di telefòn 917 òf e number anónimo 108.







