GRAN SELEBRASHON HOMENAHE NA LA BIRGEN DI GUADALUPE NA MISA SAGRADO KURASON DI HESUS NA PAROKIA DI JANWE.
GRAN SELEBRASHON HOMENAHE NA LA BIRGEN DI GUADALUPE NA MISA SAGRADO KURASON DI HESUS NA PAROKIA DI JANWE.
Manera ta konosí riba tur 12 di desèmber, rònt mundu fielnan ta selebrá fiesta di La Bírgen di Guadalupe. La Birgen di Guadalupe o Nuestra Señora de Guadalupe ta un di e aparishon di Birgen Maria, ku a tuma lugá na aña 1531 pues 493 aña pasá riba e seru di Tepeyac na México. For di e tempu ei fielnan ta adorá i venerá e virgen milagrosa aki. E aña aki, un biaha mas ta spera ku míles di devoto lo bishitá e bírgen den nan país, pa asina duna nan homenahe na e bírgen.
Meskos na Kòrsou, fielnan ta duna nan homenahe na la Birgen di Guadalupe riba e fecha aki. Manera ya ta un tradishon, riba djaweps 12 di desèmber próksimo “Komishon Bírgen di Guadalupe” lo tin su gran selebrashon komo homenahe na “La Virgen di Guadalupe”, ku ta tuma lugá na Misa Sagrado Korason di Hesus na Misa di Janwe. E selebrashon ta kuminsá presís 6.30’or di anochi ku un konsierto di varios artista invita. Después di e konsierto lo tin un Santu Sakrifisio di Misa na honor di La Birgen di Guadalupe ku lo keda kompañá pa Kor Guadalupana.
Na final di misa lo tin un sorpresa agradabel.
Riba e dia aki, portanan di Misa Sagrado Kurason di Hesus di Janwé lo ta habrí for di 6’or di atardi.
Tur hende ta bon biní.
