KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Otro mentira di minister Silvania

 

 

Willemstad, 16 desèmber 2024

 

Otro mentira di minister Silvania

 

Minister Larmonie Cecilia no a kòrta den supsidio di Fundashon  Birgen di Rosario. E supsidio a keda di “toets” via di e unidat di supsidio i a yega na e montante ku ta “rechtmatig i doelmatig” pa e stichting haña konforme landsbesluit subsidie 2016. Esaki ta sin konta ku e fundashon konforme e mesun lei aki no mester bini na remarke pa supsidio pasobra e no ta kumpli ku e kondishonnan,  pero mirando e echo ku mester akapará e hende grandinan ta hasi un eksepshon.

Si kompará lokual ku Fundashon Birgen di rosario ta hañando aktualmente, ta mas haltu ku e 3 añanan ku a pasa. Minister ta papia di friends and family, si nos wak e “live” nan ku minister mes ta pone kada bes riba facebook, ta e mesun fundashonnan e ta sinta kune den tur ministerio i nan tur e ta duna sèn, kada bia komo un otro ministerio. A kòrda riba e “rechtmatigheid i doelmatigheid?” Akaso minister no mester kumpli ku lei? Òf den e kasonan aki tambe e ta aktua riba lei?

Enbes di hinka sèn den fundashonnan riku, mester kuminsa buska moda pa wak esunnan ku tin años ta pidi ousilio i ku ta kumpli ku tur kondishonan, pero ku no ta haña atenshon paso minister ke hasi kos riba su mes, i atrobe sin kumpli ku lei. E sí ta benefisiando “friends and family.”!

 

Direktiva

639114718427035"
639114718427035"