Kaso di bringamentu ku herido i detenshon di un stranhero

KOMUNIKADO DI PRENSA 002/2024
2 yanüari 2025
Kaso di bringamentu ku herido i detenshon di un stranhero
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djárason 1 di yanüari 2025 alrededor di 21.29’or, Sentral di Polis a risibí informashon di un
kaso di bringamentu na un snèk riba Schottegatweg West.
Mesora a dirigí polis na e sitio kaminda a bin topa ku dos hòmber heridá.
Durante un investigashon hasi na e sitio a bin sali na kla ku un problema entre un grupo di
stranhero a terminá den un bringamentu, kaminda 2 homber a wòrdu maltratá ku machete
i bòter.
E viktimanan mester a wòrdu transportá ku ambulans pa C.M.C. pa tratamentu médiko.
E sospechoso(nan) mester a huí for di e sitio despues di nan akto. Investigashon den e kaso
aki ta kontinuá.
Mas aleu polis a bin topa ku un persona di nashonalidat Kolombiano na e sitio kende no
tabatin su dokumentonan di estadia na òrdu. A detené e persona aki pa violashon di e Lei
di Atmishon i Ekspulshon.
A presente dilanti di un fiskal ouksiliar, ku a ser’é pendiente di su deportashon for di
Kòrsou
