Bakuna COVID-19 pa grupo di riesgo

 

 

Bakuna COVID-19 pa grupo di riesgo

Willemstad – Ministerio di Salubridat, Medio Ambiente i Naturalesa (GMN) ta anusiá ku bakunashon (booster) ku e bakuna di COVID-19, variante omikron JN.1., pa e grupo di riesgo ta disponibel entrante djaluna, 6 di yanüari.

 

Tur pèrsona ku ta pertenesé na e grupo di riesgo i ku ta deseá pa risibí e bakuna di COVID-19 (booster) variante omikron JN.1. por pasa na Servisio di Salú Públiko di Kòrsou, “Geneeskunde & Gezondheidszaken” (G&GZ, ántes GGD) na e departamento di “Infectieziektebestrijding” (IZB) ku ta situá na Piscaderweg 49, Zakito.

 

Skema pa booster na G&GZ (ántes GGD)

 

Dianan: djaluna t/k djawebs

Orario: 08:00 pa 11:00 i di 13:30 pa 16:00

 

Informashon adishonal

• Periodo di tempu entre e último bakuna di COVID-19 i e booster aktual ta mínimo 3 luna.
• Periodo di tempu entre un tèst positivo pa COVID-19 i e booster aktual ta mínimo 3 luna.
• No tin di tene kuenta ku un periodo di tempu entre e ‘griepprik’ i e bakuna di COVID-19.

 

 

Grupo di riesgo pa risibí bakuna (booster) di COVID-19:

• Pèrsonanan di 60 aña of mas;
• Personanan entre 18–59 aña, ku door di nan dókter di kas of spesialista ta wòrdu konsehá pa tuma e bakuna kontra griep (Influenza);
• Pèersonanan entre 18–59 aña ku obesidad (BMI 40 of mas haltu);
• Pèersonanan ku ta mentalmente inkapasitá;
• Pèersonanan ku riesgo médiko haltu, por ehempel ku un sistema immunológiko debilitá;
• Trahadónan den kuido ku tin kontakto direktó ku pashent;
• Pèersonanan den kas di kuido.