Entrega di “Juridisch Woordenboek” na Ministerio di Hustisia

Willemstad – djaweps 25 di yüni 2026, sr. Ronald Severing a hasi entrega ofisial di e “Juridisch Woordenboek” na Ministerio di Hustisia. E entrega a tuma lugá den presensia di e Sekretario General di Ministerio di Hustisia sra. Gimena van der Gen, ken a risibí e publikashon na nòmber di Minister di Hustisia, sr. Shalten Hato.

E “Juridisch Woordenboek” ta un instrumento balioso ku lo kontribuí na uso mas uniforme i korekto di terminologia hurídiko, spesialmente den idioma Papiamentu. E publikashon akί ta brinda un referensia práktiko pa profeshonalnan den sektor hurídiko, funshonarionan públiko, studiante i otro personanan ku ta traha ku dokumentashon legal.

Ku e disponibilidat di e dikshonario akί, ta bira mas fásil pa buska i identifiká terminologianan hurídiko den Papiamentu, kontribuyendo asina na un mihó komprendementu i aplikashon di konseptonan legal den nos komunidat.

Ministerio di Hustisia ta gradisí sr. Severing pa e entrega di e obra importante akί i ta rekonosé e balor ku esaki tin pa e desaroyo i fortalesementu di e uso di Papiamentu den e ámbito hurídiko.