Minister Charles Cooper: TREMENDO presentashon di nos kantidata na MISS UNIVERSO 2026

WILLEMSTAD – MBA Empowerment ta orguyoso di anunsiá su kantidata Aaliyah Kenna, a destaká i gana e korona na e sertamen di Mini Universo 2026 ku a tuma lugá na Cartagena, Colombia.

Aaliyah Kenna a partisipá den e kategoria Little Mini Universo 2026, den kual e a resultá e ganadó absoluto i tambe a risibí e premio di Most Photogenic. E logro aki ta un refleho di su presensia determiná i su abilidat pa konektá ku e pùbliko i kameranan, ku a elevá su representashon na un nivel internashonal.

Aaliyah su presentashon tabata unu konsistente ku elegansia i su karisma ta keda komo un ehèmpel di dedikashon i esfuerso. Ku determinashon e la gana e korona riba esenario internashonal dia 27 di Juni 2026, djasabra ku a pasa aki.

MBA Empowerment ta sumamente orguyoso ku e progreso di nos Miss i ta felisitá Aaliyah, su mayornan, famia, coaches i tur ku a kontribuí na e éksito aki. Kòrsou, laga nos sigui apoyá nos representante di Kòrsou via Instagram.

Nos ta invitá henter pueblo di Kòrsou na Aeropuerto Hato awe, djaluna 29 di Juni, 17.00 pm pa yama nos Little Mini Universo 2026 un bon biní meresidamente pa e representashon digno ku e la duna nos isla.