KOMUNIKADO DI PRENSA 006/2025
7 yanüari 2025

Detenshon ku entrada hudisial relashoná ku tiramentu i atrako

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon den e kaso di tiramentu ku a tuma lugá dia 6 di yanüari 2025
na un Minimarket riba Winston Churchillweg, polis a hasi un detenshon.
Djamars 7 di yanüari 2025 alrededor di 05.18’or, riba òrdu di Fiskal di Ministerio Públiko,
Tim di Aresto a hasi detenshon di e hòmber W.J.H. di 28 aña di edat nasé na Kòrsou.
Su detenshon a tuma lugá na un kas den área di Dein.
Despues di su detenshon tim di Atrako a tene un entrada hudisial na e adrès ariba
menshoná i durante di e entrada hudisial a haña i konfiská artíkulonan ku ta di importansia
pa e investigashon.
Durante di e investigashon a sali na kla ku W.J.H. tabata envolví den un atrako ku a tuma
lugá dia 2 di yanüari 2025 na un kas den Mexicoweg.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.