KOMUNIKADO DI PRENSA 007/2025
7 yanüari 2025

Kaso di bringamentu ku detenshon

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 6 di yanüari 2025 alrededor di 21.18’or, Sentral di Polis a risibí informashon di un
kaso di bringamentu den John de Poolstraat.
Mesora a dirigí polis na e sitio i e promé unidat ku a yega a topa ku dos hóben maltratá.
Kontinuando ku e investigashon a sali na kla ku un problema entre grupo di hóben, a
terminá den un maltrato ku machete, yabi i piedra.
Debí na esaki dos hóben a keda heridá i mester a transportá nan ku ambulans pa C.M.C. pa
tratamentu médiko.

Despues di un investigashon polis a detené e hóbennan:
 D.R. di 17 aña di edat,
 D.R.S. di 17 aña di edat,
 E.R.C. di 15 aña di edat,
 D.S. di 16 aña di edat,
 D.R.S. di 16 aña di edat,
 J.B.M. di 15 aña di edat, tur nasé na Kòrsou i
 C.J.G.M. di 18 aña di edat nasé na Hulanda, pa e kaso ariba menshoná.

A konfiská e machete i yabi pa mas investigashon.
A presentá e sospechosonan dilanti di un fiskal ouksliliar despues di interogashon C.J.G.M.,
D.R.S. di 16 aña di edat i J.B.M., a keda lagá den libertat i a ordená enkarselamentu di D.R.,
D.R.S, E.R.C., D.S. pendiente di mas investigashon.