KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Minister Javier Silvania REKORDATORIO

 

Minister Javier Silvania

REKORDATORIO
Diabierne Gobiernu di Kòrsou a paga bashi bonùs pa tur kobradó di penshun di behes (AOV) i penshun di viuda i huierfano (AWW) ku ta biba na Kòrsou te ku un entrada di NAf. 1100, – pa luna. Tin algun punto di atenshon ku mester tene kuenta ku ne;
• E datosnan di personanan ku entrada te ku NAf. 1100,- pa luna a wòrdu generá for di e sistema di Inspectie der belasting i ta basá riba datosnan di aña 2023.
• For di e datos nan genera aki, tin 72 persona ku ta kobra AOV/AWW huntu ku nan penshun di APC, via di APC. E personanan aki lo kobra e bashi bonùs fin di yanüari 2025 ora APC paga.
• Tambe tin 267 persona ku ta interná den institutonan di AVBZ. Pa e personanan interná ku ta kobra AOV, konforme e lei di AVBZ, e AOV ta bai pa e instituto, i esaki na su turno ta paga e AOV na e kliente interná. Den e kaso akí, e bashi bonùs ta bai pa e instituto tambe i esaki mester paga e kliente interná. Kòrda monitoriá si e bashi bonùs a wòrdu paga na bo persona of bo mienbro di famia ku ta interná.
• E personanan interná den institutonan di AVBZ ku ta risibi penshun di AWW, lo wòrdu paga dor di SVB mes.
• Pa e 157 personanan ku ta kobra AOV i ta interná den un instituto via di ministerio SOAW, lo risibí e bashi bonùs via di Ministerio SOAW e promé siman di febrüari 2025.
• Tambe mester tene kuenta ku e bashi bonùs akí ta konta den bo entrada total pa aña 2025, ku ta nifiká ku abo komo kobradó di AOV òf AWW lo por pasa e limite di NAf. 12.000, – pa aña. Konsekuentemente bo lo mester bai paga prima di BVZ. Minister di Finansas, sr. Javier Silvania, lo bai solushoná e aspekto akí, dor di indeksá den 2025 e limite di NAf. 12.000, – ku tin awor aki pa aña, pa asina bo no mester paga e prima di BVZ.
• Si bo no a risibí e bashi bonùs, pero bo ta di opinion ku bo mester a risibí esaki, chèk promé si bo entrada pa luna den 2023 tabata te ku NAf. 1100, –
• Si esaki ta e kaso, i tòg bo no a risibí e bashi bonùs, por fabor yama 724-5300.
• Indiká na e representante di SOAW bo nòmber, ID, adrès di kas i tambe un e-mail adrès. Si bo ta interná den un instituto di kuido, indiká tambe na unda bo ta kedando.
• Lo bai verifiká na belastingdienst, via e inkomensverklaring di aña 2023, si ta kuadra ku bo entrada no tabata mas haltu ku NAf. 1100,- pa luna.
• Depende di e inkomensverklaring di aña 2023, lo informá bo bèk, kon e proseso aki lo sigui kana.
Pa mas informashon tokante bou di ki kondishon lo por risibí/pidi e inkomensverklaring, por fabor lesa e informashon riba e lenk akí: https://belastingdienst.cw/par…/themas/inkomensverklaring/

639114718427035"
639114718427035"