“Pobresa skondí te orígen rondó dje polémika di bónus, bashí premi, penshun, aov, pa ken si i pa ken no.”
“Pobresa skondí te orígen rondó dje polémika di bónus, bashí premi, penshun, aov, pa ken si i pa ken no.”
Willemstad: Maske kon nos kier skonde, tap’é, disimulá òf krea kortina di huma, ta bisto ku ta reina pobresa na Kòrsou. “Mi ta kontentu ku Gobièrnu a hasi su bèst pa paga tur e tipo di bónus I bashí premi nan aki“, segun Omar Gill di Partido Mihó Kòrsou.
Despues ku Gobièrnu a anunsiá pago di bónus (Naf. 1.000,00 pa trahadó), na CMC nos por a mira un ola di instansia ku a lanta eksigiendo trato igual. Esaki a bira un polémika ora diskushonnan a drenta e tùnel di na ken si òf ken no. E akshon positivo di bini ku un bashí premi (Naf. 350,00) tambe a kai den e polémika riba mesun diskushon, pa ken si I pa ken no.
Pa Omar Gill un kos a bira kla I raspa: “Pobresa skondí te orígen rondó dje polémika di bónus, bashí premi, suèldu mínimo, aov i pa ken si i pa ken no”. Nos pueblo mester di un Alivio.
P’esei Omar Gill ta bogando pa nos ban rehabilitá I krea un mihó fundeshi sosial.
Kon ta posibel ku Kòrsou a bira e isla mas pober den Reino?
Miéntras algun ta broma ku nos turista a oumentá, nos hermana islanan ta broma kon nan fundeshi sosial manera bijstand, aov, suèldu mínimo, penshun a oumentá.
Datos di CBS ta mustra ku Kòrsou konosé un desbalanse den entrada. E resien polémika a suprayá aun mas kon pobresa ta afektando nos klase medio òf loke a sobra di dje.
Ke preisnan ku ta subiendo diariamente yega fin di luna a bira un lucha tenas ku ta hasiendo nos pueblo kompleto pober. “Hasta opshonnan pa sobrebibí ta kaba”, segun Omar Gill ku diariamente ta den bario i ta mira e situashonnan.
Komo trahadó, hamas Omar Gill ta kontra pago di bónus, bashí premi òf otro formanan. Sinembargo Sr. Gill ta kere ku Gobièrnu I sektor privá mester uni pa ban atendé e karga sosial ku solushonnan strukturá.
Dje forma aki por evitá ku ta krea polémika, hasi polítika, krea divishon, miéntras otro isla nan a pasa nos ratu ta bai.