‘Kontrabanda Jump-in’: Kontrabanda ku ta bai tuma lugá djarason 26 di febrüari na Landhuis Chobolobo for di 8:30 PM pa 02:00 AM.
Dia 14 di yanüari 2025 Grupo Kontrabanda a tene su konferensia di Prensa kaminda
nan duna informashon di nan Jump-in inovativo titulá: Kontrabanda ku ta bai tuma lugá
djarason 26 di febrüari na Landhuis Chobolobo for di 8:30 PM pa 02:00 AM.
Kontrabanda Jump-in ta un konsepto nobo ku patrosina pa Crazy Diamonds I The Real
One I tei pa keda i e aña aki e ta wòrdu hinká den un bachi Mexicano ku ta bai tuma lugá
dia 26 februari 2025 na Landhuis Chobolobo. E idea di e jump-in aki ta pa bo ‘smokkel’
bo kos di bebe bin paden ku ne. Kon esaki ta bai? Ora bo kumpra bo entrada bo ta haña
un t-shirt i un bòter bashí di 75 ml. E bòter aki bo mag yena esaki ku e bebida di bo
eskoho. Pero komo e jump-in aki yama Kontrabanda bo mester drenta ku bo bòter bon
skondí, esta di ‘smokkel’, pues al estilo kontrabanda. Ku otro palabra for di e momento
ku bo ta sali bo kas, bo ta sali kas ku un mente pa kontrabandiá. Na kas bo ta yena bo
bòter ku bo kos di bebe pa despues bo skonde bo bòter bon skondí pa drenta jump-in ku
ne al estilo “Kontrabanda”. Pues e bòter mester ta bon skondí pa bo por drenta ku ne.
Un punto di atenshon hopi grandi ta ku bo no por kana bin paden ku bo bòter den man.
Bar i Kushina lo ta na enkargo di Mi Mojito – tene na kuenta ku no tin mojito na benta.
Pa loke ta trata e line up pa musikal di e anochi di Kontrabanda ta DJ Black, Icons, One
Flavaz i Tempo Music ku lo transformá pa e anochi di jump in i lo bira ‘LA BANDA DEL
PATRON’. i nan lo bai kompania diferente ‘sikarionan di ambiente’. Kada un sikario ta
unu pero ken nan ta, lo keda divulgá despues pues keda pendiente pasó ambiente ta bai
tin sigur ku hopi lokura.
Ta bai tin un kantidat limitá di ‘early birds’ na benta solamente riba e fechanan 16 i 17 di
yanüari na JOY by Opra na Saliña i Beauty Affairs na Sambil na rason di ANG 45 riba
fecha 16 di Yanuari I ANG 50 riba 17 di Yanuari. Despues di e dos fechanan aki entrada
lo bira ANG 65 i por kumpra esaki na e siguiente puntonan di benta: Joy by Opra
(Earlybird/ Normal/Event Day), Beauty Affairs Curacao (Earlybird/Normal)
Mensing (Normal), 24 uur uit de Muur (Normal),Ticketpoint (Normal), Beep Beep
(Brievengat/Mariepampoen) (Normal), miembronan di Crazy Diamonds (Normal) i CX
Pay (Online)
T Shirt I bo boter di 75 ml ta wordu entraga dia 25 di februari 2025 for di 11 or di mainta
te I ku 5 or di atardi na Joy by Opra. E anochi aki e parti di seguridad ta na enkargo di
Tanus Security ku Sr. Winklaar na kabes. Nos ta enfatisa riba e parti di In=In I out=out
