KOMUNIKADO DI PRENSA 019/2025
17 yanüari 2025

Tres detenshon den kaso di tiroteo ku maltrato

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku un kaso di tiroteo i maltrato ku a tuma lugá den luna di ougùstùs último den
área di Ser’i Kandela, Tim di Atrako a realisá un detenshon.
Den oranan trempan di djabièrnè 17 di yanüari 2025, konhuntamente ku Tim di Aresto a bai
na un adrès na Ser’i Kandela i a hasi detenshon di e siguiente tres hòmbernan:
 R.H.S. di 27 aña di edat;
 H.D.S. di 25 aña di edat;
 S.S. di 20 aña di edat, tur nasé na Kòrsou.
Despues di e detenshonnan aki, polis a tene un entrada hudisial na e adrès enkestion i a
konfiská artíkulonan importante pa e investigashon.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.