Insidente di Tiroteo den Área di Sucker Garden
For di: Hefe di Departamentu di komunikashon
Inspektor E.S Josepha
di yanüari 2025
Studiante Detené pa Poseshon di Arma di Kandela na Skol Sekundario den Área di St. Peters
Kuerpo Polisial di Sint-Maarten (KPSM) ta investigando un insidente ku a tuma lugá djabièrnè 17 di yanüari 2025, na un di e skolnan sekundario situá den e área di St. Peters South Reward, kaminda a haña un studiante den poseshon di un arma di kandela.
E investigashon a wòrdu inisiá despues ku polis a risibí tep di mayornan preokupá, kendenan a informá ku un menor di edat tabata mustra un arma di kandela na su amigunan na skol. Aktuando riba e informashon aki, polis a kondusí lihé un investigashon kòrtiku, ku a kondusí na e identifikashon di e studiante enbolbí.
Durante listramento, a localisa e arma di candela y seguidamente a confisca esaki. E studiante, kende su identidad ta wordo reteni pa motibo di su status di menor di edad, a wordo deteni y hiba warda pa interogacion.
Ademas, e mayornan di e menor di edat tambe a wòrdu interoga na Warda di Polis di Philipsburg tokante e situashon preokupante aki.
KPSM kier a probechá di e oportunidat aki pa rekordá mayornan ku nan por para responsabel pa e aktonan di nan yunan menor di edat. Ta importante pa mayornan ta vigilante y envolvi den e actividadnan di nan yiunan, tanto paden como pafo di scol.
Ademas, ta enkurashá studiantenan pa komuniká ku nan mayornan òf outoridatnan di skol si nan ta wòrdu intimidá òf ta konfrontando kualke problema na skol. Ta krusial pa e tipo di asuntunan ei wòrdu atendé mesora pa garantisá e seguridat i bienestar di tur studiante.
Tema: Insidente di Tiroteo den Área di Sucker Garden
Philipsburg, 18 di yanüari 2025
Riba e mainta di djasabra, 18 di yanüari 2025, pa mas o ménos 10:00 AM, Kuerpo Polisial di Sint Maarten (KPSM) a risibí un yamada di Sentro Médiko di St. Maarten (SMMC) tokante un víktima maskulino ku a yega na e fasilidat médiko cu varios herida di bala. Personal di polis i detektivonan a wòrdu despachá pa SMMC pa investigá e asuntu.
Durante nan interakshon ku e víktima, el a afirmá ku el a wòrdu tirá pa un sospechoso maskulino konosí i a proveé ofisialnan ku un deskripshon di e individuo den e área di Sucker-garden kaminda e insidente aki a tuma lugá. A base di e informashon aki a inisiá un operashon di búskeda kordiná pa lokalisá i detené e sospechoso.
Pa mas o ménos 4:30 PM, ofisialnan a lokalisá i detené e sospechoso ku éksito, identifiká pa e inisialnan F.A.L., un hòmber di 22 aña di edat. E detenshon a keda ehekutá sin mas insidente, i e sospechoso a keda transportá pa Warda di Polis di Philipsburg, kaminda e ta detené aktualmente pa mas interogashon. Ademas, e arma di kandela ku ta kere ku a wòrdu usá den e insidente a keda konfiská i sigurá komo evidensia. Un investigashon forensiko a keda kondusí na e lokalidat den área di Sucker Garden kaminda e insidente mester a tuma lugá. A rekohé evidensia na e sitio pa sostené e investigashon andando.