Medidanan di tráfiko relashoná ku entrega di lista

KOMUNIKADO DI PRENSA 024/2025
22 yanüari 2025
Medidanan di tráfiko relashoná ku entrega di lista
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 23 di yanüari 2025 entre 09.00’or i 16.00’or, lo tin entrega di lista i postulashon di
kandidatonan pa elekshon di 21 di mart 2025 na ofisina di KSE na Scharlooweg 11.
Pa garantisá òrdu públiko, trankilidat, seguridat i libertat di tráfiko, Kuerpo Polisial Kòrsou lo tuma e
siguiente medidanan riba e dia ei i durante di e orarionan ariba menshoná.
Lo no por stashoná vehíkulo dilanti di banko M&CB, Fundashon Kas Polpular i The Movies;
Na algun momentu lo no por hasi uso di Abraham Mendes Chumaceiro Blvd (viaduct) den
direkshon di The Movies;
Na algun momentu tráfiko ku ta bini for di I.H. (Sha) Caprileskade lo no por subi
Wilhelminabrug i bai den direkshon di Skalo;
Scharlooweg lo ta permanentemente será entre Koningin Wilhelminastraat i e kaya sin
nòmber ku ta bai den direkshon di Plasa Mundu Merced;
Krusadanan Scharlooweg i Nauwesteeg, Bargestraat i Nauwesteeg lo ta permanentemente
será;
Tur vehíkulo ku sali for di Bargestraat pa subi Scharlooweg, ta obligá na lora na man robes i
sigui nan destinashon;
Na algun momentu Boldinghstraat i Nauwesteeg lo ta será;
Tur vehíkulo for di Abraham Mendes Chumaceiro Blvd den direkshon di Scharlooweg, na e
krusada ei ta obligá na lora na man drechi i subi Scharlooweg den direkshon di Plasa Hoyer;
Plaza Mundu merced lo ta aksesibel pa vehíkulo via di entrada ost
Tur moveshon dilanti KSE lo bai di forma kontrolá.
Kuerpo Polisial ta supliká tur usuario ku ta trafiká den e área ei, pa sigui instrukshonnan
duná dor di polis inmediatamente i estriktamente.
