KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

AGRIKULTURA DURADERO TA KOS SERIO  

AGRIKULTURA DURADERO TA KOS SERIO

 

Durante e periodo ku partidonan MAN i PIN a forma parti di gobernashon for di 2017, ambos partido den bon koperashon ku otro a krea un fundeshi fuerte pa desaroyo di agrikultura, krio di bestia i peska. Esaki, for di un punto di bista holístiko, kaminda a inkluí formashon agrario  pa tin hende lokal bon prepará pa e sektor, protekshon di nos medioambiente i naturalesa, promoshon di salú i prevenshon di malesa, desaroyo ekonómiko i empleo i mas ku tur kos, seguridat alimentisio ku ta di vital importansia pa dignidat humano. Ta un logro grandi ku e sektor a krese durante e periodo di gobernashon ei ku alrededor di 5%. MAN-PIN, mirando ku den e periodo di gobernashon tras di lomba no a hasi práktikamente nada pa sigui ku e desaroyo di e sektor agrario i peska, a hinka un plan robusto komo parti di su programa di Vishon i Maneho pa e sektor.

Hopi ta esnan ku ainda ta kòrda ku promé i durante di e periodo di pandemia a duna entrenamentu na kasi 200 hende riba plantamentu orgániko, sintrópiko (planta hasiendo uzo di naturalesa) i hidroponía. Danki na esei, ku durante pandemia a fasilitá plantadónan, kriadónan di bestia i piskadónan ku parti di kuminda salú ku durante e pandemia tabata aun mas vital, por a sigi produsí.

Sostené e sektor di agrikultura  krío di bestia i peska mester tin komo meta sòru pa tin kuminda sèif, pagabel, aksesibel i nutritivo pa nos tur. P’esei, MAN i PIN a haña koperashon di varios organisashon mundial, manera WHO i Waitt Institute, Universidat di Wageningen, University of the West Indies i otro instanshanan ku a sostené e maneho ku a keda ehekutá.

E maneho ku MAN-PIN a pone pretu riba blanku den su programa di Vishon i Manheo tin komo meta pa sostené ku supsidio na e sektor den su totalidat, inisiativanan ku ta oumentá kalidat i nutrishon di produktonan lokal, agregá balor lokal, mehorá protekshon di plantashon i bestianan di kunukeronan, distribushon lokal, garantisá preisnan hustu pa kunukeronan i promové nan produktonan. Den mesun rosea MAN-PIN lo revisá preisnan máksimo pa mayorista/produktor i tene kòntròl rigoroso riba lei kontra importashon di fruta i bèrdura protehá. Mas aleu lo akshoná pa kordiná oferta i demanda. Gobiernu ta krea sentronan di almasenahe i distribushon ku representantenan di kunukeronan mes ta manehá!

Mas aleu lo sostené inisiativanan di sektor privá den prosesamentu di kuminda pa medio di oumento di entrenamentu, mehorashon di infrastruktura i mihó funshonnan di merkado lokal, miéntras ku tambe ta eksplorá oportunidatnan di eksportashon pa logra ekonomianan di eskala i redusí gastunan di produkshon. Esaki pa sigurá ku nos produktonan lokal tin un merkado pa bende nan produktonan tur ora. Produktornan por ta sigurá ku fruta i bèrdura lokal lo por keda entregá na tur instansha ku ta prepará kuminda pa mucha di skol, kasnan di grandi i hòspitalnan mientras ku gobièrnu lo sostené un akuerdo ku empresana privá den hoteleria pa nan hasi mas i mihó uzo di lokual nos mes produsí.

Tambe ta inkorporá agrikultura duradero i sistemanan di kuminda den e kuríkulo nashonal na nivel básiko i sekundario di skol, pa stimulá mas hoben komo empresario den e sektor. Ta bon konosí ku kunukeronan no ta haña sufisiente hende lokal pa traha riba kunuku of den krio di bestia, parsialmente pasó kondishonnan laboral no ta atraktivo. P’esei MAN-PIN lo duna estímulo finansiero pa banda di formashon agrario krea kuponan di trabou digno ku mihó kondishonan den e sektor.

 

Huntu ku e sektor lo solushoná e problema di skarsedat di awa adekuá pa agrikultura. Ya for di e gobièrnu ku MAN i PIN a partisipá na dje, a traha un lei ku despues di a pasa den e mulina di aparato públiko a drenta na vigor. Pero, esei no ta sufisiente. Mester traha dam pa warda awa, segun sra. Giselle McWilliam. No unikamente dor di bora pos, pero krea sistemanan mas avansá pa almasená awa rònt Kòrsou den serkania di areanan di agrikultura. Tambe gobièrnu lo sòru pa sanea nos suela i hasi esaki mas fertil. Repartishon hustu di terenonan destiná pa agrikultura i krio di bestia lo ta un di e akshonnan prinsipal ku gobièrnu ku MAN-PIN lo inisiá durante su promé 100 dianan. Esaki tambe lo ta un kondishon sin mas pa kualke gobièrnu ku MAN-PIN lo forma parti  di dje.

Pesei MAN -PIN pa promé biaha den historia ta bin ku un fondo pa e sektor aki mará na un maneho duradero pa futuro pa nos seguridat alimentisio, stimulá mas i sostene empresarionan lokal i yuda mitigá kosto di bida dor di kumpra nos propio produkshon lokal. MAN-PIN: aki ta kos SERIO!.

 

639114718427035"
639114718427035"