Inspektor-general di enseñansa, a hasi entrega di e relato ‘Estado di Enseñansa di Fundeshi 2024’ na Presidente di Parlamento.

Inspektor-general di enseñansa, sr. Raily Goedgedrag, a duna un splikashon breve tokante e relato aki, na Presidente di Parlamento, sra. Charetti America-Fransica.

Den e relato ‘Estado di Enseñansa di Fundeshi 2024’ a selektá áreanan di kalidat for di e kuadro di evaluashon di Inspekshon pa por duna un punto di bista pa ku kalidat di enseñansa di fundeshi.

Enseñansa di Fundeshi ta eksistí 22 aña na Kòrsou i for di 10-10-10 e supervishon ta kai bou di Ministerio di Enseñansa, Siensia, Kultura i Deporte.