Mantenshon riba Kaya Merida

Willemstad – Minister Charles Cooper huntu ku Servisio pa Obra Públiko (OW) ta informá ku entrante djabièrnè 7 di febrüari 2025, trabounan di mantenshon di kaya ta bai tuma lugá riba kaya Merida. Esaki lo tin un durashon di 5 siman.

E trabou ta konsistí di asfalta parti di e karetera aki ku ta den mal estado. OSB Civil Engineering  ta enkargá ku ehekushon di e trabou. E trabou lo tuma lugá  parti mainta.

Durante ehekushon di e trabounan aki, habitantenan i negoshinan ku ta keda den e area aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.

Minister Charles Cooper i OW ta hasi un apelashon na tur outomobilista pa kore ku koutela.