Ministerio di Desaroyo Sosial, Labor i Bienestar 𝗠𝗶𝗻𝗶𝘀𝘁𝗲𝗿 𝗥𝗼𝗼𝘇𝗲𝗻𝗱𝗮𝗹 𝘁𝗮 𝗯𝗶𝘀𝗵𝗶𝘁𝗮́ 𝘁𝘂𝗿 𝘁𝗿𝗮𝗵𝗮𝗱𝗼́ 𝗱𝗶 𝗦𝗢𝗔𝗪

Ministerio di Desaroyo Sosial, Labor i Bienestar

𝗠𝗶𝗻𝗶𝘀𝘁𝗲𝗿 𝗥𝗼𝗼𝘇𝗲𝗻𝗱𝗮𝗹 𝘁𝗮 𝗯𝗶𝘀𝗵𝗶𝘁𝗮́ 𝘁𝘂𝗿 𝘁𝗿𝗮𝗵𝗮𝗱𝗼́ 𝗱𝗶 𝗦𝗢𝗔𝗪
𝘛𝘢 𝘣𝘶𝘵𝘢 𝘦́𝘯𝘧𝘢𝘴𝘪𝘴 𝘳𝘪𝘣𝘢 𝘯𝘦𝘴𝘦𝘴𝘪𝘥𝘢𝘵 𝘥𝘦𝘯 𝘔𝘪𝘯𝘪𝘴𝘵𝘦𝘳𝘪𝘰
Willemstad – Djabièrnè 31 di yanüari sra. Mr. Dayanara Chin-A-Lien Roozendal, Minister di Desaroyo Sosial, Labor i Bienestar (SOAW), a hasi un rekorido na tur sektor i departamentu di SOAW. Minister i su tim a bishitá Kas di Bario Otrobanda, Kas di Bario Punda, Kas di Bario Brievengat, Kas di Bario Santa Maria, Ofisinanan di Mediadó i Inspekshon na APC, Ofisina di Sektor di Famia i Hubentut i Sektor di Labor na Bon Bini Business Center.
Minister Roozendal i su tim, ku ta konsistí di Sekretario General interino, kolaboradónan di Kabinèt di Minister, a ehersé esaki den kuadro di sera konosí ku tur trahadó di SOAW, skucha inkietutnan i tuma nota di edifisio i sirkumstansia bou di kua nan ta laborá. Trahadónan tambe a duna ideanan pa mehorashon di produkto i servisionan di SOAW.
Minister Chin-A-Lien Roozendal despues di a skucha i interkambiá ku trahadónan di SOAW, a sinta na mesa ku nan den un esfera ameno i a splika su vishon pa ku bienestar di trahadó, kende na promé lugá mester ta bon sirbí, pa konsekuentemente por sirbi e komunidat. Tur hende mester tin e mesun propósito pa huntu i ku tur nanishi den e mesun direkshon, traha na un mihó ministerio i na un mihó Kòrsou.
Personal di SOAW ta yama bon biní na minister Chin-A-Lien Roozendal i ta deseá Minister forsa i sabiduria den su trabou.
𝘙𝘪𝘣𝘢 𝘦 𝘬𝘰𝘮𝘣𝘪𝘯𝘢𝘴𝘩𝘰𝘯 𝘥𝘪 𝘱𝘰𝘳𝘵𝘳𝘦̀𝘵 𝘣𝘰 𝘱𝘰𝘳 𝘮𝘪𝘳𝘢 𝘢𝘭𝘨𝘶𝘯 𝘱𝘢𝘳𝘵𝘪 𝘥𝘪 𝘦 𝘳𝘦𝘬𝘰𝘳𝘪𝘥𝘰.