Mantenshon di kaya riba Shawneeweg

Willemstad – Minister Charles Cooper huntu ku Servisio pa Obra Públiko (OW) ta informá ku entrante djasabra 8 febrüari 2025, trabounan di mantenshon di kaya ta bai tuma lugá riba Shawneeweg. Esaki ta un zijweg di Andresbelloweg. Trabounan lo tin un durashon di 2 dia.

E trabou ta konsistí di asfaltá e kaya aki ku ta den mal estado. Kontratista OSB ta enkargá ku ehekushon di e trabou kual lo ta parti mainta.

Durante ehekushon di e trabounan aki, habitantenan i negoshinan ku ta keda den e área aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.

Minister Charles Cooper i OW ta hasi un apelashon na tur outomobilista pa kore ku koutela.