KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon relashoná ku maltrato

 

KUERPO POLISIAL KÒRSOU

KOMUNIKADO DI PRENSA 052/2025

10 febrüari 2025

Detenshon relashoná ku maltrato

Djaluna 10 di febrüari 2025 alrededor di 09.51’or, Sentral di polis a dirigí un unidat polisial pa un kas den Kaya Mata Siguaraya pa un kaso di maltrato.

For di investigashon preliminar ku polis a hasi na e sitio a sali na kla ku despues di un diskushon entre tata di kriansa i yu, esaki a terminá den bringamentu.

A pidi presensia di personal di ambulans, ku a atendé ku e viktima i despues transport’é pa

Sala di Emergensia di C.M.C. pa risibí tratamentu médiko mas avansá.

Na e sitio polis a detené e hòmber G.S.D.K. di 43 aña di edat nasé na Kòrsou, enkonekshon ku e kaso ariba menshoná.

A presentá e sospechoso dilanti di un fiskal ouksiliar ku a ordená su enkarselamentu

pendiente di mas investigashon.

639114718427035"
639114718427035"