Ministerio di BPD ku partisipashon na tur esnan ku a solisitá riba vakaturanan ‘ Job Fair’

Willemstad   – Relashoná ku e eksitoso Jobfair ( Feria di Trabou) ku Gobièrnu di Kòrsou a organisá dia 16 di novèmber 2024 na WTC kaminda a habri mas ku 27 vakatura den e ministerio di Maneho di Gobernashon, Planifikashon i Servisio Públiko (BPD), minister Shalten Hato ta partisipá ku tur persona ku a solisitá riba e vakaturanan den organisashonnan SSO, HRO i Ministeriële Staf  a risibí un mail den yanüari último.

Pa loke ta trata e otro organisashonnan den BPD  manera CBS, BO, i Publieke Zaken e rekrutamentu  i selekshon ( werf en selectie ) a kuminsá kaba. Si no a haña mail ainda denter di poko esaki lo sosodé na kada solisitante. E organisashon di CBS lo bolbe habri algun vakatura den sierto funshonnan ku no a haña sufisiente solisitut. Rekrutamentu i selekshon pa ku e organisashon di Lokèt di pèrmit (Vergunningenloket) lo kuminsá dia 24 di febrüari binidero.  Si no a haña mail ainda denter di poko esaki lo sosodé na kada solisitante. EY(Ernst & Young) ku ta un agensia di konsulta, ta sostené e trayekto aki pa entre otro e ministerio di BPD. Minister Shalten Hato ta sumamente satisfecho ku el a kontribuí pa mas persona por haña trabou den e ministerio di BPD i asina aportá na bienestar di nos komunidat.