DUTCH CARIBBEAN ISLANDHOPPER TA HASI BUELONAN ABOU RONDÓ DI NOS KOSTA

Willemstad – Outoridat di Aviashon Sivil di Kòrsou (CBA) ta informá ku Dutch Caribbean Islandhopper (DCI), komo parti di su prosedura di sertifikashon, lo ehersé buelonan abou riba laman rondó di nos kosta. Esaki ta konosí den terminologia di aviashon komo ‘laagvlieg’, i e buelonan lo tuma lugá durante algun siman den e periodo benidero. 

CBA a duna DCI e eksonerashon nesesario pa esaki por tuma lugá, despues ku tur instansia konserní a duna aprobashon.

DCI tin un avion di awa di un motor (PJ-AWA) ku por aterisá tantu riba laman komo riba tera. E tipo di avionnan aki ta un konsepto usual na paisnan ku tin hopi área ku awa manera entre otro Canada i Zweden.