Departamentu di THZ ta será djárason 22 di mart parti mainta di 7:30 pa 12’ or      

Willemstad – Departamentu di Asuntunan di Higiena Tékniko (THZ) di Servisio Salubridat Públiko ( UO&Gz ántes GGD), situá na Piskaderaweg 49, ta partisipá ku su sekshon di servisio di kúr pa personanan ku ta atendé ku alimento i sekshon di Vektor enkargá e.o. ku suministrashon di Abate® i venenu pa djaka ta será djárason 22 di mart 2023 di 7:30 pa 12’ or. Esaki enkonekshon ku un “training” ku lo tin pa trahadónan di THZ riba e fecha ariba menshoná. Djárason 22 di mart 2023 lo ta habrí parti mèrdia di 14:00 pa 15:30 manera kustumber.

Ministerio di Salubridat, Medio Ambiente i Naturalesa ta ofresé su diskulpa pa kualkier inkumbiniensha ku esaki por trese kuné.