Seshon Konosementu durante Lùnch (Knowledge over Lunch) na The Triangle Curaçao

Seshon Konosementu durante Lùnch (Knowledge over Lunch) na The Triangle Curaçao
Charla tokante Trabou Ku Plaser i Tuma E Kontrol (Workplace Happiness and Ownership)

WILLEMSTAD, 13 di februari 2025 – Riba djarason 19 di februari 2025, coWorld, e sitio pa trabou konhuntu di The Triangle, ta organisá nan seshon di tur luna di Konosementu durante Lùnch na The Triangle Curaçao den Otrobanda. E biaha akí e tema ta “Trabou Ku Plaser i Tuma E Kontrol” (Workplace Happiness and Ownership).

Oradó Leonie Boekel, coach di karrera i profesonal di HR ku 20 aña di eksperensia komo Kapó di HR na e kompania di transportes di Hulanda, i ku raíz na Kòrsou, lo lidera e seshon inspiradó akí.

Tur hende ke sinti plaser na trabou, pero esaki no ta pasa por kasualidat, ta un desishon. Durante e seshon akí, bo lo deskubrí kómo bo por aumintá e satisfakshon di trabou, tanto pa bo mes komo pa bo team. Leonie lo duna bo herramienta práktiko pa tuma e kontrol i integra trabou ku plaser den bo rutina di tur dia.

E seshon ta kuminsá 12:30 i ta finalisá 13:30 (por kana drenta fo’i 12:15), ku espasio pa pregunta i interakshon. Idioma di komunikashon lo ta Hulandés. E charla ta tuma lugá den sala di reunion di kompleho di ofisina The Triangle, Hoogstraat 18 – 22 den Otrobanda.

Interesadonan por inskribí i reservá nan lùnch via http://www.tinyurl.com/KnowledgeOverLunch.