Te ki dia ABC Busbedrijf?
Bienestar di Ma Yeye i Fedjay no ta konta pa boso?

Willemstad – Pa años kaba ABC Busbedrijf ta hasiendo uso di konvoinan ku no ta adekuá
mas pa nos poblashon. E konvoinan ku ABC tin den operashon ta dje estilo kaminda entrada
komo salida dje pasahero den e konvoi tin ku bai via un trapi haltu i smal. Resientemente
ABC a inougurá konvoinan nobo ku mesun estilo. “ABC no ta desaroyá of ta otro prioridat
robes” sigun Andres Everitz.
Sifranan di Sentral di Statistik di Kòrsou (CBS) ta mustra ku 36% a pasa 55 aña i un gran parti
di nos poblashon ta birando grandi. Nos tur sa ku esaki semper ta bini ku su krekeché kuné.
Awor na lugá di bini ku konvoinan plat na entrada i salida ta keda bin ku mesun tipo di
konvoi.
Sigun Everitz:”E kos aki ta inkomprendibel”. E trapi smal na entrada i salida semper ta sòru
pa inkumbiniensia pa nos grandinan I molèster pa esnan ku desabilidat pa subi trapi. Otro
kos ku nos konvoinan ta falta di dje ta espasio kaminda hende nan ku un ròlstul, rolator òf
wig di baby por sinta kómodo aden. Komo koredó di bus ku hopi aña di eksperensia Everitz
konosé e sektor i su klientenan hopi bon.
Pa Andres Everitz ta straño ku awor si nos no ta kopia Hulanda kaminda e konvoinan ta plat
I asta por baha mas ora nan yega bòrchi. Tambe vários ta ekipá ku un espasio pa grandinan i
esnan ku mester yudansa. A primintí pueblo asta konvoi ku ta kore riba koriente alternativa
saka for di pènel solar pa baha preis di karchi pero tòg a bolbe bestèl mesun kos. Ta bisto ku
nos gobernantenan gosando den outo ku shofùr no sa kiko ta kome I bebe den transporte
públiko. Pueblo meresé mihó i sigur esnan ku tur dia ta hasi uso di transporte públiko.