Trabounan pa asfaltá parkeerplaats di ‘keuringslokaal’

Willemstad – Trabounan a kumisá riba djasabra 15 di febrüari pa asfaltá e parkeerplaats na e ofisina di Servisio pa Tráfiko i Transporte (UOVV), konosí komo keuringslokaal.

Curacao Civil Services B.V. ta ehekutá e trabou kual ta enserá un rekonstrukshon di e parkeerplaats, asfaltá e kaminda ku ta konektá ku e parkeerplaats, i markamentu di e parkeerplaats.

E trabou tin un durashon di 3 siman. Tene kuenta ku durante di e 3 simannan aki ku lo tin menos espasio pa parker, i tin posibilidat pa parkeer un tiki mas lei for di e edifisio. Lo tin guia pa esaki durante e 3 simannan.

UOVV ta pidi komprenshon pa kualke inkubinensia i despues pueblo por gosa di un tremendo lugá di parkeer aki na keuringslokaal ku lo sirbi pa un mihó kalidat di servisio.