KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Promové Blue Wave den forma ordená atraves di material di propaganda

Tráfiko, Transporte i Planifikashon Urbano

 

Promové Blue Wave den forma ordená atraves di material di propaganda

Publiká riba 02 Yüni 2026

Willemstad – Servisio pa Planifikashon Urbano (ROP) ta invitá komunidat pa selebrá Blue Wave, pero di forma ordená. ROP ta rekordá komunidat ku tin maneho i regla vigente pa materialnan di dekorashon i propaganda temporal. Esaki ta pa garantisá seguridat públiko i un ambiente ordená
ROP ta indiká e siguiente puntonan:
• Por pone propaganda temporal pa mas trempan 14 dia promé ku e evento.
• Mester kita e propaganda denter di 24 ora despues ku e aktividat terminá.
• E tamaño máksimo pèrmití pa bòrchi i bandera temporal ta 2m².
• E distansia entre e propaganda i kaminda públiko mester ta por lo ménos 4 meter.
• No ta pèrmití pa pone òf pega propaganda riba bòrchi di tráfiko, palu di lus di kaya, na krusadanan, rotònde òf ‘middenberm’ kual ta e espasio ku ta separá dos kaya for di otro.
• No ta pèrmití pa tapa señalnan di tráfiko ni opstakulisá e visibilidat di automobilistanan òf peatonnan.
• No por pone òf pega propaganda riba ‘groenmeubilair’, esta mata, palu òf otro elementonan di espasio públiko bèrde.
Pa mas informashon òf pa hasi petishon por tuma kontakto ku ROP via email info.rop@gobiernu.cw òf numbernan di telefon +5999 511-3874 / 512-1219
Ta di sumo importansia ku tur bandera, bòrchi i otro material di propaganda ta instalá na un manera firme i sigur, pa evitá ku bientu fuerte por lòs nan i okashoná daño na outomobilista, peaton òf propiedat públiko i privá.
Projectteam Toezicht en Handhaving lo retirá tur material di propaganda ku no kumpli ku e regla vigente òf ku por presentá un riesgo pa seguridat públiko inmediatamente. ban kumpli ku tur regla, kondishon i instrukshon emití pa e outoridatnan kompetente.
Laga nos disfrutá di e ambiente patriótiko i festivo di manera responsabel, sigur i kontribuí huntu na un Kòrsou mas bunita, mas limpi i mas sigur pa tur hende.
639114718427035"
639114718427035"