MINISTER MIDDELHOF A BISHITÁ PRODOMINICANA PA FORTALESÉ EKSPORTASHON I OPORTUNIDATNAN PA HASI NEGOSHI FOR DI KÒRSOU VIA DI PLATAFORMANAN INTERNASHONAL

Den e reunion, a enfoká riba diferente posibilidatnan pa habri mas porta pa fabrikanan i eksportadónan di Kòrsou. ProDominicana a pone nan plataforma i eksperensia disponibel pa sostené eksportadónan di Kòrsou den nan ambishon pa eksponé nan produkto i servisio na merkadonan internashonal.

Tambe a papia tokante e posibilidat pa sigui ku un akuerdo di kolaborashon entre ambos pais, ku meta di fortalesé komersio i stimulá mas oportunidatnan pa empresarionan lokal.

Ku e inisiativa aki, Kòrsou ta sigui tuma pasonan konkreto pa fortalesé su sektor di eksportashon i duna nos empresarionan mas visibilidat den eksterior.