Minister Shalten Hato: Koperashon Internashonal

Minister Shalten Hato

Koperashon Internashonal
Djabièrnè último un grupo di 4 amtenar a sali pa Sürnam den kuadro di un trayekto di twinning. E proyekto aki ta un di e logronan riba tereno hudisial i ta resultado konkreto di e diferente interkambionan ku ta tin riba nivel polítiko durante e añanan tras di lomba.
A base di e proyekto di twinning amtenarnan den e kadena Hudisial di Sürnam i Kòrsou lo interkambiá konosementu riba diferente área p’asina siña di otro.
Djabièrnè e promé grupo di interkambio abase di e programa aki a sali pa Paramaribo kaminda lo interkambiá ku Sürnam riba e tema di trafikashon di hende, un área riba kua Sürnam a sa di yega na e nivel di protekshon di mas haltu ku ta Tier 1.
E programa a ser trahá bou di guia di Ministerio Públiko di Sürnam i e delegashon di Kòrsou ta konsistí di sra. Nihaila Obispo (KPC), sra. Xavienne Jordan (UOJZ), sra.
Monique Dennaoui fiskal di Ministerio Públiko i sr.
Saïd Hensen, koordinadó nashonal kontra di trafikashon di hende (PATH).
Di e manera aki nos ta sigui traha pa un Kòrsou mas sigur p’abo.