KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Omar Gill: “Ban desaroyá un Pre-Clearance entre Hato i Schiphol”

 

Willemstad- Ku seramentu dje sektornan di “offshore banking” I despues di
refineria, e gobièrnunan di turno a bini ta propaganda Kòrsou komo un
destinashon turístiko. CTB a bini ta risibí kasi 30 mion pa aña pa promoshon di
Kòrsou. Resultado dje akshon aki a pone ku e sektor di turismo a krese bira e
úniko pilar ekonómiko di Kòrsou. Sifranan publiká dor di CTB I CHATA ta indiká
un kresementu bárbaro den turismo I en partikular bishitantenan for di
Hulanda. “Esaki ta bon notisia i nos mester kuida e sektor aki” segun Omar Gill.
Frekuentemente nos ta mira fila nan largu di bishitantenan ora e avion nan di
Corendon, KLM òf TUI aterisá na Hato. E kosnan aki ta krea mal impreshon i
tambe iritashon. E situashon fèrfelu nan aki na vários okashon ta bai rònt
mundu via media sosial. Omar Gill ta kere ku nos mester sigui subi kalidat di
nos servisio. Esaki ta konta fo’i ora e bishitante pensa pa bini Kòrsou, i ta na
nos pa hasi su trayekto mas plasentero.
“Komo parti di Reino nos mester uni forsa I analisá e posibilidat pa desaroyá un
pre-clearance entre Hato i Schiphol” segun Omar Gill. E pre-clearance lo sòru
ku promé ku e turista sali Schiphol ya e persona i su maleta a pasa un screening
riguroso (di Duana I Imigrashon) na Schiphol ku ora e yega Kòrsou esaki ya no
ta nesesario mas. E turista por pasa mas lihé na yegada. Esaki lo konta riba
buelonan ida I buèlta. Ademas e pre-clearance lo yuda Hato ora esaki wòrdu
konfrontá ke “piekmoment” ora e aerolíneanan aki baha un tras di otro i
tambe lo sòru pa mas kupo di trabou.
Omar Gill ta na altura ku diferente akshon mester tuma lugá manera
seramentu di kombenio entre airopuertonan Hato/Schiphol i tambe entre
gobièrnu nan. Tambe tin gastunan envolví pa ku posibel kambionan den e
airopuertonan ku lo tin ku tuma lugá. Operashon di un pre-clearance tambe ta
gastu. Na Aruba e Pre-clearance Merikano a mustra su balor agregá. Si Aruba
ku no ta den reino Amerikano, mes por a logra esaki ku Merka, nos ku ta den
Reino Hulandes mester por logra esaki ku Hulanda. P’esei Omar Gill ta kere ku
nos mester tin e boluntat pa bai e “next level” pa duna e turista un bon
eksperensia pe regresá bek. ” Ban bira e promé pre-clearance den Reino”,
Omar Gill ta terminá bisando.

639114718427035"
639114718427035"