Morto den trafiko

Awe, djárason 19 di febrüari, alrededor di 12.40 or di márduga un aksidente ku un skuter a tuma lugá na Kaminda di Sorobon Bonaire. Pa motibu ainda deskonosí, shofùr di e skuter a kai for di e skuter. A konsekuensia di e kaída e víktima a keda severamente heridá. Personal di ambulans ku a akudí na e sitio mesora a inisiá ku reanimashon, pero esaki tabata en bano. Dòkter ku a bin na e sitio a konstatá morto di e víktima, un hòmber di inisial J.B. nasé 3 di òktober 1976, na Apeldoorn, Hulanda. E departamentu di Tráfiko di KPCN ta investigando kousa di e aksidente.