Prome Minister Gilmar Pik Pisas Djabièrnè último a tuma lugá e “Spantenbier” di e edifisio nobo di 𝐎𝐫𝐠𝐚𝐧𝐢𝐬𝐚𝐬𝐡𝐨𝐧 𝐩𝐚 𝐊𝐨𝐧𝐭𝐫𝐨𝐥 𝐢 𝐊𝐨𝐦𝐛𝐚𝐭𝐢́ 𝐃𝐞𝐬𝐚𝐬𝐭𝐞𝐫 (CRBo – Crisisbeheersings & Rampenbestrijdingsorganisatie)

Prome Minister Gilmar Pik Pisas

Djabièrnè último a tuma lugá e “Spantenbier” di e edifisio nobo di 𝐎𝐫𝐠𝐚𝐧𝐢𝐬𝐚𝐬𝐡𝐨𝐧 𝐩𝐚 𝐊𝐨𝐧𝐭𝐫𝐨𝐥 𝐢 𝐊𝐨𝐦𝐛𝐚𝐭𝐢́ 𝐃𝐞𝐬𝐚𝐬𝐭𝐞𝐫 (CRBo – Crisisbeheersings & Rampenbestrijdingsorganisatie), kaminda ántes tabata warda di Polis na Rio Canario. CRBo ta e organisashon na Kòrsou ku ta enkargá ku e kordinashon di un krísis òf kalamidat i alabes ta sòru pa mitigá e efektonan ku esaki por tin. CRBo ta konsistí di 10 diferente organisashon ku ta traha huntu pa mitiga e efektonan ku un krísis òf kalamidat por tin i ta bai direktamente bou di Promé Minister di Kòrsou.
Na aña 2022 Ministerio di Asuntunan General huntu ku Ministerio di Finansa a inisiá e proseso pa reservá fondonan riba presupuesto di Pais Kòrsou pa asina renobá e edifisio na Rio Canario. Durante su diskurso Promé Minister di Kòrsou sr. Pisas a indiká e importansia di renobashon di edifisionan ku ta di Gobièrnu pa hinka organisashonnan manera CRBo aden.