Parlamento di Kòrsou: Delegashon di Grefi di Konseho Insular di Boneiru a realisá un bishita na Parlamento di Kòrsou. Durante e bishita, Grefir di Parlamento sr. Silvin Cijntje i diferente empleado di Grefi di Parlamento a interkambiá informashon ku e delegashon di Boneiru, tokante funshonamentu di e respektivo institutonan i e prosesonan di trabou.
Parlamento di Kòrsou
Djamars 18 di febrüari 2025, Delegashon di Grefi di Konseho Insular di Boneiru a realisá un bishita na Parlamento di Kòrsou. Durante e bishita, Grefir di Parlamento sr. Silvin Cijntje i diferente empleado di Grefi di Parlamento a interkambiá informashon ku e delegashon di Boneiru, tokante funshonamentu di e respektivo institutonan i e prosesonan di trabou.
E delegashon for di Boneiru tabata konsistí di Grefir di Konseho Insular di Boneiru sra. Jacqueline Harewood, Konsehero di Komunikashon i Protokòl, Konsehero di Maneho, un empleado Tékniko i e kordinadó di e bishita. Nan bishita ta den kuadro di un biahe di trabou kaminda e tópikonan komunikashon i protokòl ta para sentral. Alabes e delegashon lo bishita mas instansia na Kòrsou.
E bishita aki ta enfatisá e importansia pa kompartí konosementu entre e institutonan i koperashon den e parti Karibense den Reino.
