Parlamento di Kòrsou Komishon Sentral a deliberá ku Minister di Salubridat Públiko, Medio Ambiente i Naturalesa i Minister di Enseñansa, Siensia, Kultura i Deporte enkuanto maneho struktural pa ku skolnan salú.

Parlamento di Kòrsou

Komishon Sentral a deliberá ku Minister di Salubridat Públiko, Medio Ambiente i Naturalesa i Minister di Enseñansa, Siensia, Kultura i Deporte enkuanto maneho struktural pa ku skolnan salú.
Djaweps 13 febrüari 2025, E reunion di Komishon Sentral a kuminsá ku un introdukshon kòrtiku di Minister di ESKD, sr. Sithree van Heydoorn, siguí pa un presentashon di un representante di “Stichting Jongerenrechtbanken Nederland”. E fundashon aki ta enfoká pa promové un sentido di hustisia bou di hóbennan, hasiendo hóbennan mes responsabel pa resolvé insidentenan i konfliktonan na un manera sostenibel, basá riba prinsipionan di hustisia restorativo.
Despues Miembronan di Parlamento a haña e oportunidat di hasi pregunta relashoná ku maneho struktural pa ku skolnan salú.
Presidente di Parlamento sra. Charetti America-Francisca, a skòrs e reunion te un próksimo aviso pa duna minister Van Heydoorn espasio pa formulá e kontestanan di e promé tanda.