Minister Carlson (Carls) Manuel IMPUESTO RIBA BUELONAN / VLIEGTAX OP LANGE AFSTAND VLUCHTEN

 

Minister Carlson (Carls) Manuel

IMPUESTO RIBA BUELONAN

Resientemente mi a tene un reunion importante ku Staatssecretaris di Fiscaliteit, Belastingdienst i Douane, sr. Tjebbe van Oostenbruggen.

E tema prinsipal di e reunion tabata e impuesto di biahe ku Hulanda kier introdusí pa biahenan di destinashon largu, ku tambe lo afektá Kòrsou.

Durante e reunion, mi a splika kla e efektonan negativo ku un impuesto di tal índole por tin riba ekonomia di Kòrsou. Mi a enfatisa ku, mirando ku Hulanda mes ta pidi pa Kòrsou traha riba un ekonomia sostenibel, implementashon di e impuesto aki lo ta kontraproduktivo i lo komprometé esfuersonan di nos isla, ku ta depende hopi di turismo, spesialmente turismo di Oropa.

Komo un solushon rasonabel, Mi a proponé ku e impuesto no wòrdu aplika pa Kòrsou, konsiderando e biahenan komo “Cobotagevluchten”, dunando e mes trato ku buelonan interno den Reino di Hulanda. Dado ku Kòrsou ta parti integral di Reino di Hulanda, ta hustu pa trata e ruta Hulanda-Kòrsou difirente di otro destinashon internashonal.

E kombersashon lo sigui den un próksimo enkuentro, ku e meta pa logra un akuerdo ku ta benefisiá Kòrsou i fortalesé nos ekonomia.

Mi trabou ta papia pa su mes.

——————
VLIEGTAX OP LANGE AFSTAND VLUCHTEN

Onlangs heb ik een belangrijk overleg gevoerd met de Staatssecretaris van Fiscaliteit, Belastingdienst en Douane, dhr. Tjebbe van Oostenbruggen.

Het centrale onderwerp van het overleg was de vliegtaks die Nederland wil invoeren voor langeafstandsvluchten, wat ook Curaçao zou treffen.

Tijdens het gesprek legde ik duidelijk uit welke negatieve effecten een dergelijke belasting zou hebben op de economie van Curaçao. Ik benadrukte dat, terwijl Nederland Curaçao juist aanmoedigt om te werken aan een duurzame economie, de invoering van deze belasting contraproductief zou zijn en de inspanningen van het eiland zou ondermijnen. Curaçao is immers sterk afhankelijk van toerisme, met name vanuit Europa.

Als redelijke oplossing stelde ik voor om de vliegtaks niet toe te passen op vluchten naar Curaçao, door deze aan te merken als “Cobotagevluchten”.

Dit zou betekenen dat deze vluchten dezelfde behandeling krijgen als binnenlandse vluchten binnen het Koninkrijk der Nederlanden. Aangezien Curaçao een integraal onderdeel is van het Koninkrijk, is het rechtvaardig om de route Nederland-Curaçao anders te behandelen dan andere internationale bestemmingen.

Het gesprek zal worden voortgezet tijdens een volgend overleg, met als doel een akkoord te bereiken dat Curaçao en zijn economie ten goede komt.