KUERPO POLISIAL KÒRSOU 

KOMUNIKADO DI PRENSA

317/2026

24 sèptèmber 2026 

Petishon pa organisá fiesta di tambú i aguinaldo 

Relashoná ku temporada di fin di aña ku ta aserkando, Departamentu di Permít  di Kuerpo Polisial Kòrsou (U.B.W.) ta partisipá lo siguiente pa loke ta trata tambú i aguinaldo. 

Pa garantisá ku bo petishon pa permít pa organisá fiesta di tambú i aguinaldo ta  wòrdu prosesá na tempu, mester tene kuenta ku lo siguiente: 

• E petishon pa fiesta di tambú i aguinaldo mester wòrdu entregá dos (2) dia di trabou promé ku fecha di e aktividat na Korps Politie Curaçao, Unit Bijzondere Wetten situá na Winston Churchillweg z/n; 
• Den wikènt ni dianan liber no ta konta. (por ehèmpel: si bo aktividat ta djabièrnè 9 òktober 2026, e petishon mester a wordu entregá na UBW kompletu djamars dia 6 òktober 2026). Esaki sigur UBW ke pone  

enfasis riba dje, mirando ku no tin espasio pa trata petishonan ku no  ta kumpli ku e 2 dianan di trabou) 

• E petishon enkestion por wòrdu hasí entre 09.00’or i 12.00’or riba dianan di trabou na ofisina di U.B.W.;
• E lista di eksigensianan ta disponibel na U.B.W. i por pasa tuma esaki personalmente durante di e orario ariba menshoná òf por pidi esaki tambe via email ubw@polis.cw òf por yama e number di telefòn 7246104; 
• E proseso aki ta SOLAMENTE pa fiesta di tambú i aguinaldo i ta bálido entrante 1 di òktober 2026 pa 11 di yanüari 2027;
• En bista ku e temporada benidero aki ta unu sumamente okupá i ku ta spera hopi petishon, ta sugerí tur siudadano ku ta interesá, pa no warda te na último momentu pa hasi tal petishon.