Minister Shalten Hato ta aprobá un reglamentu di prosedimentu pa promé biaha den Huurcommissie

 

 

Minister Shalten Hato ta aprobá un reglamentu di prosedimentu pa promé biaha den Huurcommissie

 

 

WILLEMSTAD – Minister di Maneho di Gobernashon, Planifikashon i servisio Públiko Shalten Hato a  aprobá un reglamentu di prosedimentu ku Huurcommissie ta bai tin pa promé bes den su historia. Esaki sigur ta un logro grandi den historia di Huurcommisie.

 

For di momentu ku Huurcommissie a keda funda, nunka te awor no a traha ku un reglamentu di prosedimentu . Huurcommissie ta un entidat imparsial i independiente ku ta solushoná konflikto entre e hürdó i esun ku ta hur. Huurcommissie ta yuda hürdó i e doñonan ora nan no ta akordá riba asuntu manera entre otro e preis di hür, mantenementu òf gastunan di servisio. Nan ta evaluá e konflikto basá riba lei i reglamentu, i despues nan ta saka un desishon ku tur dos partido mester sigui. Mirando e importansia di regulamentu aki, Minister Shalten Hato a aprobá  e regulashon di proseso.

 

E Regulamentu di prosedimentu ta kontené regla pa un manera uniforme di trata e asuntunan den Huurcommissie. E reglamento di prosedimentu ta importante pa tur persona ku ta presentá un kaso na Huurcommissie. Ademas di stimulá unidat den e lei, e reglamento di prosedimentu ta buska mehorá kalidat di organisashon di Huurcommissie. E ta krea klaridat pa tur hende tokante kon un prosedimentu na Huurcommissie  mester ta hiba a kaso. Mirando e importansia di regulamentu aki, Minister Shalten Hato a aprobá  e reglamentu di prosedimentu aki pa asina yuda  salbaguardiá derechinan di e hürdó.

Pa amplia aún mas e aksesibilidat, sr. Shalten Hato a duna instrukshon tambe pa tradusí e reglamento di proseso na Papiamentu. Ku esaki, minister Shalten Hato ta logra atrobe un paso histó-riko pa nos komunidat.