KUERPO POLISIAL KÒRSOU

KOMUNIKADO DI PRENSA

1 mart 2025

Detenshon pa violashon di lei di arma di kandela

077/2025

Djasabra 1 di mart 2025 alrededor di 02.37’or, Sentral di Polis a risibí informashon di un
hòmber ku tabata na un trùk di pan riba Schottegatweg-Oost i ku tabata den posishon di un
arma di kandela. E lo a menasá algun persona na e trùk di pan.
Na yegada di e unidat polisial, e hòmber enkestion a move rápidamente for di e sitio den su
outo.
Mesora e unidat a start un persekushon i riba Mahaaiweg polis a tuma nota ku e shofùr a
benta algu for di e vehíkulo.
Un otro unidat ku tambe a bin yuda den e persekushon a bin enkontrá den e área na unda e
sospechoso a benta algu for di outo, un pistol Glock, ku a keda konfiská.
N altura di e pòmp di gasolin riba Cas Coraweg polis a logra para e vehíkulo i hasi detenshon
di e hòmber Q.S.P. di 43 ana di edat nasé na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.