KUERPO POLISIAL KÒRSOU

KOMUNIKADO DI PRENSA

1 mart 2025

Persona ilegal detené

078/2025

Durante di patruyahe djabièrnè 28 di febrüari 2025 alrededor di 22.37’or riba Suffisantweg,
un unidat polisial a konstatá un aksidente di tráfiko entre do vehíkulo, di kua un di nan a
sigui kore despues di e aksidente.
Inmediatamente e unidat a kuminsá ku un persekushon tras di e vehíkulo ku a kore bai i na
e krusada di Suffisantweg i Kaya Jose Pinedoe, dos persona a baha for di e outo i hui den
diferente direkshon. Polis a sigui nan tras na pia i riba F.D. Rooseveltweg a logra na detené
un di e hòmbernan di nashonalidat Hamaikino, ku a resultá di ta permanesé ilegal riba nos
isla.
A konfiská e vehíkulo mientras ku a transportá e hòmber aki pa Departamentu di
Imigrashon, ku lo sigui hasi trámitenan pa su deportashon.