Willemstad, 3 di mart 2025

 
Landsloterij ta sostené karnaval masalmente ku su kampaña

Rin tin tin ki bo ta hasi ku bo florin?

 

WILLEMSTAD – Por a mira e ‘update’ di Landsloterij su Rin tin tin ki bo ta hasi ku bo florin durante di Gran Marcha di Karnaval di Kòrsou djadumingu ultimo. Ya kaba Landsloterij a entregá dos chèk di e kampaña komunitario na unda ku 1 florin for di kada pida brièchi kumprá ta bai pa sostené Karnaval den forma di un donashon na e respektivo organisashonnan di Kòrsou, Boneiru, Aruba. Benta ta kanando bon i Landsloterij ta orguyoso di por anunsiá ku te ku awó:  Kòrsou a kontribuí ku un total di ANG 158.990,-  Boneiru ku ANG 23.270,-($13,000-) i Aruba ku Afl 8350,- ku ta suma un total pa nan respektivo organisashonnan. Abo fiel kumpradó ainda por sigui oument’é kumprando bo brièchi pa e  sorteo di 6 di mart 2025 ku un premio di ANG 500.000,-!