KOMUNIKADO DI PRENSA 081/2025
5 mart 2025

Detenshon pa violensia relashonal

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 4 di mart 2025 alrededor di 17.44’or, Sentral di Polis a dirigí un unidat pa
Cotticastraat pa un kaso di violensia relashonal.
Na e sitio polis a topa e dama víktima ku a deklará ku su partner a maltrat’é. E tabatin un
hinchá patras di su orea i tambe na su man drechi.
Mas leu e dama a indiká ku e maltrato tabata a konsekuensia di un diskushon ku tabatin
entre nan dos un ratu promé.
E sospechoso, e hòmber B.J.S. di 44 aña di edat nasé na Kòrsou ku ainda tabata na e adrès,
a keda detené pa violensia relashonal.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.