Kaso di tiramentu ku herido

KOMUNIKADO DI PRENSA 082/2025
5 mart 2025
Kaso di tiramentu ku herido
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djarason 5 di mart 2025 alrededor di 05.30’or, Sentral di Polis a risibí informashon ku tin un
tiramentu riba J.H.J. Hamelbergweg na altura di C.M.C. i ku tin personanan heridá.
Na yegada di e promé unidat a sali afó ku un hende hòmber i un hende muhé lo a risibí tiru
for di un arma di kandela i ku ámbos a keda heridá na pia. Nan a yega Sala di Emergensia na
unda nan a risibí trato médiko.
Na e sitio polis a tuma nota ku tabatin un vehíkulo bandoná di kua su motor tabata sendé i
e tabatin perforashon di bala.
A avisá personal di reshèrshi táktiko i tékniko pa yega na e lugá di insidente pa hasi e
investigashonnan korespondiente.
