Gobièrnu di Kòrsou i Fekoskan ta uni forsa pa desaroyo duradero / Regering van Curaçao en Fekoskan bundelen krachten voor duurzame ontwikkeling
Desaroyo Ekonómiko
Gobièrnu di Kòrsou i Fekoskan ta uni forsa pa desaroyo duradero
Publiká riba 06 Mart 2025
Willemstad – Djaweps 6 di mart, Gobièrnu di Kòrsou, representá pa Vise Promé Minister i alabes Minister di Desaroyo Ekonómiko, señor Charles Cooper, a firma un Memorandum of Understanding (MoU) awe huntu ku e Federashon Fekoskan. E kolaborashon importante aki ta enfoká riba realisashon di e Metanan di Desaroyo Duradero (SDG’s) i ta marka un logro grandi den e empeño pa desaroyo sosioekonómiko i durabilidat riba e isla. Señora Zita Jesus-Leito tambe tabata presente, komo esun responsabel pa e kartera di Desaroyo Ekonómiko, i kende a sostené e trayekto pa yega na e logro aki.
E Federashon Fekoskan, ku ta representá e interesnan di sinku kooperativa di spar i krédito ku mas di 29.000 miembro, ta dediká na inklushon finansiero i empoderamentu ekonómiko den komunidat. Pa medio di e kolaborashon aki, Gobièrnu i Fekoskan lo desaroyá proyektonan i inisiativanan huntu ku lo kontribuí na e SDG’s, ku un enfoke riba eliminashon di pobresa, edukashon finansiero, energia duradero, seguridat alimentisio i inklushon sosial.
Manera Minister Charles Cooper a bisa: “E kolaborashon aki ta suprayá e dedikashon di Kòrsou pa kresementu duradero i desaroyo ekonómiko inklusivo. Traha huntu ku Fekoskan lo fortifiká e impakto di nos strategia di SDG i kontribuí direktamente na un futuro mas resiliente i duradero pa nos komunidat.”
Ademas Minister Cooper, a enfatisá kiko kooperativismo a i ta nifiká pa su miembronan i nan famianan i pa Kòrsou.
Un parti importante tambe ku Minister Cooper a trese dilanti ta akshonnan ku lo tuma pa stimulá personanan ku ta disponé di terenonan agrario, pa nan realmente hasi uso di e terenonan aki pa plantashon i kontribuí na e meta di seguridat alimentisio pa nos pais.
Earlrich Lourens, presidente di Fekoskan a remarká ku: “E akuerdo aki ta unu históriko den e aña aki, ku Nashonnan Uní (United Nations) a deklará komo Aña Internashonal di Kooperativismo”, ku e tema “Kooperativanan ta Konstruí un Mundu Mihó”, esaki suprayando ku kooperativismo ta un mekanismo esensial pa realisá e Metanan di Desaroyo Sostenibel (SDG’s).”
E MoU ta establesé e base pa esfuersonan konhunto manera kampañanan di konsientisashon, programanan di training i oportunidatnan di finansiamentu pa proyektonan duradero. E inisiativa aki ta aliniá ku e agènda nashonal di SDG i ta kontribuí na un futuro inklusivo i duradero pa Kòrsou.
Economische Ontwikkeling
Regering van Curaçao en Fekoskan bundelen krachten voor duurzame ontwikkeling
Geplaatst op 06 03 2025
Willemstad – Donderdag 6 maart, heeft de regering van Curaçao, vertegenwoordigd door vicepremier en tevens minister van Economische Ontwikkeling, de heer Charles Cooper, een Memorandum of Understanding (MoU) ondertekend met de Federatie Fekoskan. Deze belangrijke samenwerking is gericht op het realiseren van de Duurzame Ontwikkelingsdoelen (SDG’s) en markeert een grote prestatie in de inspanningen voor sociaal-economische ontwikkeling en duurzaamheid op het eiland. Mevrouw Zita Jesus-Leito was ook aanwezig, als de verantwoordelijke voor het ministerie van Economische Ontwikkeling, en die het pad naar deze prestatie heeft ondersteund.
De Federatie Fekoskan, die de belangen van vijf spaar- en krediet coöperaties met meer dan 29.000 leden vertegenwoordigt, is toegewijd aan financiële inclusie en economische empowerment in de gemeenschap. Via deze samenwerking zullen de regering en Fekoskan samen projecten en initiatieven ontwikkelen die zullen bijdragen aan de SDG’s, met een focus op het uitroeien van armoede, financiële educatie, duurzame energie, voedselzekerheid en sociale inclusie.
Zoals minister Charles Cooper zei: “Deze samenwerking benadrukt de toewijding van Curaçao aan duurzame groei en inclusieve economische ontwikkeling. Samenwerken met Fekoskan zal de impact van onze SDG-strategie versterken en direct bijdragen aan een veerkrachtiger en duurzamer toekomst voor onze gemeenschap.”
Bovendien benadrukte minister Cooper wat coöperaties betekenen en hebben betekend voor hun leden en hun families en voor Curaçao.
Een belangrijk aspect dat minister Cooper ook naar voren bracht, zijn de acties die zullen worden ondernomen om mensen met agrarische gronden te stimuleren deze daadwerkelijk te gebruiken voor beplanting en bij te dragen aan het doel van voedselzekerheid voor ons land.
Earlrich Lourens, voorzitter van Fekoskan, merkte op dat: “Deze overeenkomst historisch is in dit jaar, dat door de Verenigde Naties is verklaard als het Internationaal Jaar van Coöperativisme, met het thema ‘Coöperaties bouwen een betere wereld’, wat benadrukt dat coöperaties een essentieel mechanisme zijn voor het realiseren van de Duurzame Ontwikkelingsdoelen (SDG’s).”
De MoU stelt de basis voor gezamenlijke inspanningen zoals bewustwordingscampagnes, trainingsprogramma’s en financieringsmogelijkheden voor duurzame projecten. Dit initiatief is in lijn met de nationale SDG-agenda en draagt bij aan een inclusieve en duurzame toekomst voor Curaçao.
