Lamentablemente a poné tiki atenshon na bida sosial Trabou pa Kòrsou evaluándo e kuater añanan di e gobièrnu saliente sifranan di estadistika ta keda subi
Lamentablemente a poné tiki atenshon na bida sosial
Trabou pa Kòrsou evaluándo e kuater añanan di e gobièrnu saliente
sifranan di estadistika ta keda subi
Trabou pa Kòrsou su Sekretaria, miembro di direktiva i kolaborador ku ta liderá e kampaña di aña 2025 aki ta konstatá, ku segun sifrasnan di estadistika (CBS), e grado di pobresa a subi di durante e periodo di 4 aña aki. Trabou pa Kòrsou evaluándo e kuater añanan di e gobièrnu saliente, ta konstatá ku tábata ún periodo den kual lamentablemente a wòrdu demostrá ku a poné demasiado tiki atenshon na e situashonnan sosial i pobresa ta kresiendo i kontinuá di ta siguí afektá famianan. Ademas e sifrasnan di desempleo a subi di 13% pa 18%, i e kantidat di famianan dependiente di ayudo sosial a subi di 10% pa 15%. E sifrasnan aki ta mustra riba e falta di medidanan efektivo pa kontraresta e desaroyonan aki i falta di kompromiso pa mehorá e bienestar di nos poblashon sin enfoke fuerte i konsistente. Sin dil ku e problemanan sosial aki, nos no por logra ún futuro próspero pa nos pais. Ta esensial pa lidernan ku pueblo lo skohé aki dos siman tuma responsabilidat i implementa polítika ku ta benefisia tur siudadano di pais Kòrsou, sin ekskluí ningun sekshon di nos sosiedat. Ta ora pa nos uni forsa i esfuerso pa kreá ún Kòrsou kaminda tur hende tin mas chèns i mas oportunidat pa prosperá i floresé. Kaminda niun hende ni famianan lo keda atras.
Pa logra ún bida sosial elevá plan 1100, tur hende ta balioso pa Trabou pa Kòrsou. Trabou pa Kòrsou ke yuda poblashon di Korsou elevá ún bida sosial den ún ambiente sano pa kada kas di famia. Menos strès, más bienestar, pa asina por disfrutá bida di berdat. Trabou Pa Kòrsou ta deseá pa pueblo por haña trabòunan pa largo plaso i asina por traha pa kuminda di kalidat ku preisnan aseptabel i pagabel. Serando akuerdo ku otro paísnan, MUNDU, i desaroya agrikultura, krio di bestianan i piskamentu, pa baha kosto di bida. Tur hende meresé bon kuido médiko, remedi mas barata i pagabel, pero di mésun bon kalidat. Nos medisina natural ta ún rikesa ku mama tera i universo a regala nos, i nos hendenan mester hasi uso di remedi nan natural mas tantu. Duna e hende grandinan, nos welanan den kasnan di kuido, ku tin más sabiduría tokante di e remedi nan natural, mas chèns di integra ku e hubentut di awe pa asina e hoben por haña mas konosementu di nos rikesa di mama tera, pasombra esakinan ta parsé di a bai pèrdí. Asina hobennan i grandinan por uni ku otro.
Trabou Pa Kòrsou ke halsa balornan di norma i balor bèk den nos komunidat. Tresé e sintimentu di koperashon i koperativa pa ku otro. Unidat di pueblo. Huntu ku gobièrnu.
Sekretaria i kolaborador di partido polítiko Trabou Pa Kòrsou TPK, Señora Abigaïl Mahalja Boelijn
